Category: For we can touch
-
獨木舟の大滿足
忙完七月嘅學生音樂會，感恩又可以回歸練習，同時享受可愛嘅夏日～ (*๓´╰╯`๓)♡ 今次一次過報灑一二三星章嘅獨木舟課程！想玩獨木舟好耐嘅我，算係一次過大滿足。 一星章課程主要系學啲基本嘅操作技巧，重點系有人問我係咪應屆 DSE 考生，偷笑～ 二星章重點係 HI 型拯救法，拍拍拍，搖搖手，小心個頭仔。第一次反艇嘅時候，對腳無 lock 實，自己浮咗出嚟，笑～ 其他都好 Easy～ 三星章我哋出咗三星灣～╰(*´︶`*)╯ 重點系X型拯教法，T型拯教法。 好耐冇寫日記，因為大部分都係 IG。多謝同行同學仔同教練拍嘅美照～ Treasure my life, treasure every day!
-
山藝二級課程完結篇～
原本係四月上嘅山藝二級課程，後來因爲表演跟夏天嘅到來，一直延遲。而才哥仔嘅地圖一直留在我手上。😆😆😆 第二次露營嘅路線，對我來説可以話係超級瘋狂：從北潭凹出發，直登蚺蛇尖，再落咸田灣露營；第二日雙鹿石澗全走，再攀岩上千絲瀑。。。 向來連大東也上不了的我，蚺蛇尖攻頂時一直處於隊尾，才哥仔係後面榜實🙏🏻，隊員每位都好好（被選中嘅細佬😆），非常有耐心地等待我四手亂爬。😂 第一晚落山之後飲咗罐可樂， sensitive 嘅我到凌晨三點都未瞓。😳非常怕野豬群來襲。😳😳😳 到第二日吃過早餐後，就攻雙鹿石澗。 行到一個位，才哥問我要唔要走，再行上去再無得退。。。我 ？！有兩秒懷疑過自己。。。但望一望呢個幾可靠組合。。。嘻嘻嘻。。。當然要繼續。😂😂😂 Ivan 話我全程情商在線，好欣賞我。我嘛，反正都在隊尾，完成就已經係創舉～ 其實我相信大家會互相幫助，只要我堅持下去就好。🥰
-
山藝二級課程
因為屋企有一堆露營用品，想去露營又冇伴，乾脆正式去上上堂，順利補一下露營知識。三節理論課，加兩次兩日一夜嘅實習課。超期待第一次實習！Let’s Start！💕 Day 1，由深井出發去田夫仔。我啲 gear 已經係全隊最輕（多謝占士為全隊努力），但第一日上山大髀都係痛到呱呱叫，在做負重訓練嗎？！ 哩兩日一夜基本上冇停過落嚟，才哥仔將所有時間排滿，set 營，45分鐘晚餐，夜行，爐具介紹。我最期待嘅，當然係瞓覺啦。點知。。。我張吹氣睡蓆漏氣～🥀 第二日嘅狀態可想然知。。。安安穩穩咁食完個早餐後，就要學繩結，急救知識（6個女仔抬1個男人，2個女仔抬1個女仔。。。），然後就由田夫仔出發去大棠，中途要爆竹森，同緊急撤退。有啲驚青，超攰，但超好玩，真係要好好考慮玩埋 3級。Cheers！ As there are lots of camping gears in my house, n I want to go camping but I don’t have a companion, so I just go to have lessons to grap some camping ideas formally. Three theory classes, plus two two-day-one-night practical classes. Looking forward…
-
Cut for Love
“我孟加拉有個仔～” 我成日半開玩笑咁同屋企人講。記得呢份係我出嚟打工冇耐，送畀自己嘅一份生日禮物。後來聽唔少慈善機構嘅醜聞，喺入面做過嘅朋友亦同我講過，佢哋面對嘅問題，同醜聞嘅成因。 身體力行嘅慈善活動或者更實際，後來見到朋友走去義剪，我又參了一腳。學左四堂，第一個受惠嘅就係我可愛嘅媽媽。🥰 我哋黎到世界上，學習，賺取，然後回饋。感恩我哋所擁有嘅，亦思考點解要我哋會得到。明白背後嘅意義，回饋更多；） “I have a baby in Bangladesh~” I often told my family jokingly. I remember that this was a birthday gift I gave myself when I came out to work. Later, I heard a lot of scandals about charities, and my friends who worked there did told me about the problems they…
-
是日吉日
2023 年 3月嘅我，非常繁忙。 從月頭開始揾工作室，睇咗二十幾個單位。手腳慢啲？睇中嘅舖第二日就比人租咗。所以再次睇啱，第二日就即刻落訂。 起租期十日，即刻搵三角琴。問老師問師傅，東撲西撲，carosell，marketplace，bilibala。。。好彩畀我搵到部落地一年半嘅 Kawai，入唔倒𨋢，搬琴運費成為一萬個大洋。笑。 然後呢？大腦全部都係佈置嘅小念頭，日日諗諗諗，度度度，收家俬，砌家俬。我啲學生終於可以喺又個光猛又大嘅空間入面舒舒服服上堂。🥰 Let’s see how far we go! I have been very busy in March 2023. From the beginning of this month, I started to look for a studio. Visited more than 20 studios, once you doubt? It was rent out. That’s why I made my decision instantly when I…
-
初級繩索技術訓練班
細個睇呀哥玩《盜墓者羅拉》，大個有 Mission Impossible。今次仲唔到我試下飛蟾走壁嘅滋味。😆 一上到岸，全班上下連老師都係男仕。心唸：死啦。。。我到底參加咗啲咩？！ 但結果真係好好玩。當我係半空嗌出嚟話要影相果刻，簡直就係打破咗全場嘅認真同寧靜。😂 享受大自然，打卡很重要。😉 I watched my bro played “Lara Croft: Tomb Raider” when I was a kid, and enjoyed Mission Impossible after growing up. Now it’s my time to try fly over the wall. 😆 Once on the shore, the whole class and even the teachers are men. Thought: Damn. . .…
-
一級山藝課程
因為想去 camping，報讀咗一級山藝課程。 以前一齊行山嘅朋友今年因為工作關係，甚少有時間陪我。 膽小嘅我只能行屋企附近嘅家樂徑，平衡力唔算好，自己一個又唔敢行太遠。 今次成大班人去玩，又有壯男幫手，大細路又貪玩嘅我即刻出返灑黎。😂 落水入礦洞，爬水管，爬礦場，爬水壩全部做勻曬～ 好耐無玩得咁盡興啦，開心！💕 新一年，還有很多很多想試，太多太多要學習，加油囉！Cheers! Longing to go camping, I enrolled for the first-level mountaineering course. My friend who used to hike together have little time to accompany me this year because of heavy workload. As a timid person, I can only walk the family trails near my house. My balance is…
Everything but music 